Kralendijk – E klup di waterpolo Delfins di Boneiru ku a lanta 2 aña pasa ta partisipá e fin di siman akí na un torneo di waterpolo na hermana isla Kòrsou. Tin partisipashon di 5 ekipo di Kòrsou, 1di Panama,1di Aruba i 1di st. Maarten. Delfins ta partisipá na e torneo ku sinku mucha muhé i kuater mucha hòmber di entre shete pa diesnuebe aña bou di ouspisio di nan coach prinsipal Marylou Felida.
Chio Semeleer di Indebon huntu ku su koleganan tambe tabata presente na aeropuerto pa deseá e ekipo tur klase di éksito den e torneo.
E ekipo lo regresá Boneiru djadumingu den oranan di atardi.